नेकपा समाजवादीका अध्यक्ष माधव कुमार नेपालले गफाडी संस्कारलाई बोकेर अगाडी नबढ्न प्रधानमन्त्री दाहाललाई सुझाव दिएका छन्।
मंगलबार प्रतिनिधि सभाको बैठकमा बोल्दै उनले गफाडी संस्कारलाई बोकेर अगाडी नबढ्न सुझाव दिएका हुन्।
उनले भने,'गफाडी संस्कारलाई बोकेर अगाडी नबढनुहोला प्रधानमन्त्री ज्यू,गफ ठूला प्रतिवद्धता ठूला तर हामी आफै भ्रष्टाचारको संरक्षक र उत्प्रेरक बन्ने गरेका छौं।'
नेपालले धेरै कुरा सुन्दा सुन्दा वाक्क लागिसकेको र आफूहरुलाई गफाडीका राजा पनि भन्न सकिने बताए।
नेपालमा भ्रष्टाचार हुनुमा प्रणालीगत र संरचनागत कारणहरु राम्ररी चिरफार नहुनु भएको उनले बताए। मदन भण्डारीको कुरालाई स्मरण गर्दै उनले कुराले चिउरा नभिज्ने र चिरउा भिजाउन दुध र दही नै चाहिने बताए।
