चालु आर्थिक वर्षको जेठ मसान्तसम्म जीवन तथा निर्जीवन बीमा कम्पनीले करिब ९२ अर्ब १७ करोड रुपैयाँ बीमाशुल्क आर्जन गरेका छन् । हाल सञ्चालनमा रहेका १९ जीवन बीमा र २० निर्जिवन बीमा कम्पनीले चालु आवको ११ महिनाको अवधीमा उक्त बीमाशुल्क रकम संकलन गरेको बीमा समितिले जनाएको छ ।  

समितीका अनुसार सो अवधीमा जीवन बीमा कम्पनीले ६९ अर्ब ८० रुपैयाँ र २० वटा निर्जिवन बीमा कम्पनीले करिब २२ अर्ब ३७ रुपैयाँ बीमाशुल्क रकम आर्जन गरेका छन् । चालु आवको जेठ मसान्तसम्म १९ वटा जीवन बीमा कम्पनीमध्ये सबैभन्दा धेरै बीमाशुल्क आर्जन नेपाल लाइफ इन्स्यारेन्सले गरेको छ । कम्पनीले सो अवधीमा २० अर्ब ८९ करोड रुपैयाँ बीमाशुल्क आर्जन गरेको छ ।  

त्यसैगरी, लाइफ इन्स्योरेन्स कर्पोशन नेपालले करिब १० अर्ब ७२ करोड, नेशनल लाइफले ६ अर्ब २३ करोड रुपैयाँ र सरकारी स्वामित्वमा रहेको राष्ट्रिय बीमा संस्थानले करिब ६ अर्ब १६ करोड रुपैयाँ बीमाशुल्क संकलन गरेका छन् ।  

सोही अवधीमा युनियन लाइफले ३ अर्ब ६५ करोड रुपैयाँ, मेट लाइफले ३ अर्ब ६० करोड रुपैयाँ र एशियन लाइफले ३ अर्ब ५१ करोड रुपैयाँ बीमाशुल्क आर्जन गरेको समितिले जनाएको छ ।  

समितिका अनुसार चालु आवको जेठ मसान्तसम्म प्राइम लाइफले २ अर्ब ५१ करोड रुपैयाँ, सूर्या लाइफले २ अर्ब ३७ करोड रुपैयाँ र गुराँस लाइफले १ अर्ब ४८ करोड रुपैयाँ बीमाशुल्क आर्जन गरेका छन् ।  

रिलायबल लाइफले १ अर्ब ३७ करोड रुपैयाँ, ज्योति लाइफले १ अर्ब ३६ करोड रुपैयाँ र सिटिजन लाइफले १ अर्ब ३२ करोड रुपैयाँ बिमाशुल्क संकलन गरेको समितिले जनाएको छ ।  

त्यसैगरी, रिलायन्स लाइफले १ अर्ब ४ करोड रुपैयाँ, आईएमई लाइफले ९८ करोड रुपैयाँ, सन नेपाल लाइफले ९१ करोड रुपैयाँ बीमाशुल्क संकलन गरेका छन् भने सानिमा लाइफले ६६ करोड रुपैयाँ, प्रभु लाइफले ५८ करोड रुपैयाँ र महालक्ष्मी लाइफले ४६ करोड रुपैयाँ बीमाशुल्क आर्जन गरेको समितिले जनाएको छ ।  

समितिका अनुसार सो अवधीमा निर्जिवन बीमा कम्पनीले चालु आवको ११ महिनाको अवधीमा करिब २२ अर्ब ३७ करोड रुपैयाँ बीमाशुल्क आर्जन गरेका छन् । सो अवधीमा सबैभन्दा धेरै बीमाशुल्क कम्पनी शिखर इन्स्योरेन्सले २ अर्ब ८७ करोड रुपैयाँ बीमाशुल्क आर्जन गरेको छ ।  

त्यसैगरी, सगरमाथा इन्स्योरेन्सले १ अर्ब ९५ करोड रुपैयाँ, नेको इन्स्योरेन्स कम्पनीले १ अर्ब ८५ करोड रुपैयाँ र सिद्धार्थ इन्स्योरेन्सले एक अर्ब ७५ करोड रुपैयाँ बीमाशुल्क आर्जन गरेका छन् ।

समितिका अनुसार एनलजी इन्स्योरेन्सले १ अर्ब ५१ करोड रुपैयाँ, प्रिमियर इन्स्योरेन्स एक अर्ब ४५ करोड रुपैयाँ र प्रभु इन्स्योरेन्सले एक अर्ब २६ करोड रुपैयाँ बीमाशुल्क संकलन गरेका छन् । सो अवधीमा आइएमई जनरल इन्स्योरेन्सले १ अर्ब १५ करोड रुपैयाँ, लुम्बिनी जनरल इन्स्योरेन्सले १ अर्ब ४ करोड रुपैयाँ र नेपाल इन्स्योरेन्सले ९८ करोड रुपैयाँ बीमाशुल्क संकलन गरेको समितीले जनाएको छ ।  

पु्रडेन्सियल इन्स्योरेन्सले ९१ करोड रुपैयाँ बीमाशुल्क आर्जन गरेको भने ओरियन्टल इन्स्योरेन्स कम्पनीले ९० करोड रुपैयाँ, एभरेष्ट इन्स्योरेन्सले ८३ करोड रुपैयाँ र अजोड इन्स्योरेन्सले ७२ करोड रुपैयाँ बीमाशुल्क संकलन गरेका छन् ।  

समितिका अनुसार नेशनल इन्स्योरेन्सले ७० करोड रुपैयाँ, युनाइटेड इन्स्योरेन्सले ५८ करोड रुपैयाँ र जनरल इन्स्योरेन्स कम्पनीले ४७ करोड रुपैयाँ बीमाशुल्क आर्जन गरेका छन् । सो अवधीमा सानिमा जनरल इन्स्योरेन्सले २८ करोड रुपैयाँ बीमाशुल्क आर्जन गरेको समितिले जनाएको छ ।