आगामी मंसिर ४ गते हुने प्रतिनिधि र प्रदेशसभाको निर्वाचनको ७२ घन्टा अगावै सीमा नाका बन्द गर्ने निर्णय गरिएको छ।

कपिलववस्तु, रुपन्देही, पश्चिम नवलपरसी, तथा भारतको सिद्धार्थनगर महराजगंज जिल्लाको सुरक्षा अधिकारीको रुपन्देहीको छपियामा भएको नेपाल भारत सुरक्षा अधिकारीको समन्वयात्मक बैठकमा सो निर्णय गरिएको हो।  

सो अवधीमा २४ घन्टा अघि आवतजावत समेत पुर्णरुपमा बन्द गरिने छ। ४८ घन्टा अघि भने अत्यावश्कीय सेवा बाहेक अन्यलाई आउजाउ गर्न बन्देज लगाइएको छ। निर्वाचनलाई लक्षित गरी बैठकले दुई देशबीच एकीकृत सुरक्षा योजना समेत निर्माण गरेको कपिलवस्तुका प्रजिअ धर्मेन्द्रकुमार मिश्राले बताए।  

निर्वाचनतलाई लक्षित गरी सिमा नाकामा नेपाल र भारतीय सुरक्षाकर्मीको संयुक्त गस्ती समेत हुने छन्। बैठकमा नेपालका ३ जिल्ला र भारतका २ जिल्लाका सुरक्षा अधिकारीहरुबीच मंसिर ४ गते हुने निर्वाचन लक्षित सुरक्षा बारे छलफल गरी योजना समेत निर्माण गरिएको उनले बताए।  

‘निर्वाचनलाई मध्यनजर गर्दै दुई देशको सुरक्षा अधिकारीले सिमा नाकालाई व्यवस्थित र मर्यादीत बनाउने निर्णय गरेका छौ, प्रजिअ मिश्राले भने ‘त्यसका लागि दुबै देशका सुरक्षा अधिकारीले अपसी सहयोग र सुचना आदान प्रदान गर्न समेत समहत भएको हौ’। बैठक निर्वाचन केन्द्रित रहेको भन्दै उनले निर्वाचनलाई सुरक्षित, मर्यादीत, निष्पक्ष, भयरहीत बनाउने बिषयमा गहल छलफल भएको थियो। नाकाहरुमा संयुक्त सुरक्षा प्वाईन्ट, निर्वाचनका क्रममा भारतबाट निर्वाचन सामाग्री निर्माण गरेर ल्याउने माथी निग्रानी बढाउने निर्णय भएको छ।  

यस्तै सीमा नाकामा मदीराजन्य पदार्थ समेत बिक्री वितरणमा रोक लगाइने छ। भारतीय सीमा नाका बजारमा नेपालीहरु लागु औषध सेवन गर्न जाने भएकाले त्यसमा समेत भारतीय सुरक्षाकर्मीले अब निग्रानी बढाउने प्रजिअ मिश्राले बताए। सिमा नाकामा सुरक्षा चेक प्वाईन्ट राख्ने, तत्कालै सुचना आदान प्रदान गर्ने, लागु औाषध नियन्त्रण, मानव बेचबिखन तथा ओसारपोसार अवैध हातहतियार, अवैध मुद्राको कारोवार, सिमा क्षेत्रमा सचेननामुलक कार्यक्रम गर्ने तथा सिमामा निग्रानी बढाउने गरी निर्णय गरिएका छन्।  

उता आचारसंहीता पालना गराउनका लागि भारत तर्फ रहेको फ्ल्याक्स मेशीन र प्रेसमा आचारसंहीता विपरित छपाइको काम गर्न नदिन भारतीय सुरक्षा अधिकारीले प्रतिवद्धता जनाएका छन। सो अवसरमा भारतको सिद्धार्थ नगरका डिएम संजीव रंजनले नेपालमा मंसिर ४ गते हुने निर्वाचनलाई सफल बनाउन आफुले सक्दो सहयोग गर्ने प्रतिबद्धता ब्यक्त गरेका थिए।  

उता प्रजिअ मिश्रा र भारतको सिद्धार्थ नगरका डिएम संजीव रंजन बीच सीमा स्तम्भलाई मर्मत र व्यवस्थि गर्ने बिषयमा समेत सहमति भएको छ। सिमा नाकामा ढेलेका, जीर्ण बनेका, नदीमा डुेबेका स्तम्भहरुलाई मर्मत गर्ने सहमती भएको प्रजिअ मिश्राले बताए। सन २००६ मा नेपाल र भारतका संयुक्त प्राविधिक सीमा समितिको दुई पक्षीय सहमती भएको थियो। सो सहमतीमा बिजोर अंको पिलर नेपाल र जोर अंकको पिलर भारतले मर्मत गर्ने सहमित भएको थियो।  

बैठकमा कपिलवस्तुका प्रजिअ मिश्रा, रुपन्देहीका प्रअिज भरतमणी पौडेल, पश्चिम नवलपरासीका प्रजिअ श्रवणकुमार पोख्रेल, नेपालका ३ जिल्लाका सुरक्षा अधिकारी, भारतको महाराजगंजका डिएम सत्येन्द्र कुमार, सिद्धार्थनगरका डिएम संजीव रंजन लगायतको सहभागीता रहेको थियो।