ओलम्पिक दिवसका अवसरमा नेपाल आलम्पिक कमिटिले कार्यालय प्राङ्गणमा रुद्राक्षको बोट रोपेको छ । ओलम्पिक कमिटिको कार्यालय सातदोबाटोमा रुद्राक्ष रोपेर कमिटिले दिवस मनाएको हो । विगतमा ओलम्पिक दिवसका अवसरमा साताव्यापी कार्यक्रम आयोजना हुँदै आएपनि यो वर्ष कोरोना महामारीका कारण कुनै कार्यक्रम आयोजना गर्न नपाइएको कमिटिका अध्यक्ष जीवनराम श्रेष्ठले बताए ।
कोरोनाका कारण विश्वभरी नै ओलम्पिकका कार्यक्रमहरू खुम्चिएको उल्लेख गर्दै उनले नेपाल ओलम्पिक कमिटिले कार्यालय प्राङ्गणमा रुद्राक्ष रोपेको र जुम मार्फत अन्तरकृया कार्यक्रम गरिएको बताए ।
