पछिल्लो २४ घन्टामा थप १ हजार ३४३ जनालाई कोरोना भाइरस संक्रमण पुष्टि भएको छ। स्वास्थ्य तथा जनासंख्या मन्त्रालयका अनुसार २४ घन्टामा २ हजार १११ जना संक्रमित निको भएका छन्।
हाल देशभर कोरोना संक्रमितको संख्या २ लाख ३७ हजार ५८९ रहेको छ। कोरोना मुक्त हुनेको संख्या २ लाख २० हजार २७२ रहेको छ।
यस्तै, २४ घन्टामा १३ जना कोरोना संक्रमितको मृत्यु भएको छ। यो सँगै कोरोना संक्रमणबाट मृत्यु हुनेको संख्या १ हजार ५ सय ५१ पुगेको छ।
देशभर सक्रिय संक्रमितको संख्या १५ हजार ७६६ रहेको छ भने ५७६ जना क्वारेन्टिनमा छन्।
