नेकपा एकीकृत समाजवादीका अध्यक्ष माधवकुमार नेपालले आत्मविश्वास नहुने मान्छेले आफ्ना पार्टीका बारेमा नकारात्मक टिप्पणी गरिरहेको बताएका छन्। शुक्रवार अनेरास्ववियुको कार्यक्रमलाई सम्बोधन गर्दै अध्यक्ष नेपालले यस्तो बताएका हुन्। 

‘हाम्रो पार्टीका बारेमा केही मान्छेहरूले नकारात्मक टिप्पणी गर्छन्। कसै कसैले यो पार्टीको भविष्य छैन भन्छन्। कसै कसैले यो पार्टी चल्दैन भन्छन्,’ नेपालले भने, ‘यस्ता भन्नेहरू विभिन्न कालखण्डमा देखा पर्ने गर्छन्। सबै मान्छेमा उत्तिकै विश्वास हुँदैन। सबै मान्छेमा त्यत्तिकै आत्मविश्वास पनि हुँदैन।’ उनको यो भनाई कसलाई भनेको हो ? भन्ने प्रस्ट नभने नि पार्टी नेतृ रामकुमारी झाँक्रीलक्षित थियो।  

यसै विषयमा अध्यक्ष नेपालले पुरानो प्रसङ्ग पनि स्मरण गरे। ‘तपार्ईहरूलाई थाहा होला २०६२ सालमा नेकपा एमालेले राजतन्त्रलाई ढाल्ने निर्णय ग¥यो। गणतन्त्रको नीतिमा अगाडि बढ्नुपर्छ भन्ने निर्णय गर्दै थियो,’ उनले भने, ‘त्यही भित्र बसेका केही मान्छेहरूले यो असम्भव छ भनिरहेका थिए। यो पार लाग्दैन भनिरहेका थिए।’ 

बाहिर पनि त्यस्ता मान्छेले भाषण गर्दै हिँडेको उनले बताए। ‘र, बाहिर गएर भाषण पनि गरे–जसरी बयलगाडा चढेर वासिंगटन पुगिँदैन, त्यसै गरेर आन्दोलन गरेर राजालाई ढाल्न सकिदैन्’, नेपालले भने। 

यो प्रसङ्गमा उनले प्रधानमन्त्री केपी शर्मा ओलीलाई व्यंग्य गर्न खोजेका छन्। उनले अगाडि भने, ‘हामीले त्यो चुनौती स्वीकार ग¥यौँ।  र हामीले भन्यौँ–हेर्दै जानुस् तपाई विरोध गर्दै जानुस् हामी राजतन्त्रलाई ढाली छाड्छौँ।’ 

प्रधानमन्त्री ओलीले त्यति बेला एमालेले गणतन्त्रको नीति लिँदा ‘बयलगाडा चढेर वासिंगटन पुग्नु र राजतन्त्र ढाल्नु एकै भएको’भनेर अभिव्यक्ति दिएको चर्चा हुने गर्छ।