नेपालमा मंगलबार ९ हजार ४ सय ८३ जना कोरोना संक्रमित थपिएका छन् ।
कूल २१ हजार ३ सय १६ जनाको परीक्षण गर्दा सोको संख्यामा संक्रमित थपिएको स्वास्थ्य तथा जनसंख्या मन्त्रालयले जनाएको छ।
कोभिड १९ को गत २४ घन्टाको विवरण अद्यावधिक गर्दै मन्त्रालयले सो अवधिमा ५ हजार २ सय २५ जना संक्रमणमुक्त भएको जनाएको छ। त्यस्तै सोही अवधिमा २ सय २५ जनाको ज्यान गएको पनि मन्त्रालयले जनाएको छ। सो संख्या नेपाली सेनाद्वारा विभिन्न मितिमा शव व्यवस्थापन गरेका समेत भएको स्पष्ट पारेको छ।
गत २४ घन्टामा २० हजार ५ सय ९६ जनाको पीसीआर परीक्षण र ७ सय २० जनाको एन्टिजेन परीक्षण गरिएको मन्त्रालयले जनाएको छ।
