लागुऔषध ब्राउन सुगरसहित प्रहरीले मोरङको मिक्लाजुङबाट १ जना युवकलाई पक्राउ गरेको छ।
पक्राउ पर्नेमा मिक्लाजुङ गाउँपालिका–६ कसेनीका २६ वर्षीय विक्रम लावती रहेको मोरङ प्रहरीले जनाएको छ। लावतीले आफ्नै घरमा लुकाइ रहेको १५ ग्राम ५० मिलिग्राम ब्राउन सुगर (खैरो हेरोइन)बरामद भएको मोरङ प्रहरीका प्रवक्ता डिएसपी दीपक श्रेष्ठले जानकारी दिए।
सोमबार दिउँसो लावतीको घरमा छापा हान्दा कोठाबाट ब्राउन सुगर, किनबेचमा प्रयोग गरिने मेसिन, मोबाइल र ५ हजार २५ रूपैयाँ नगदसाथबाट बरामद भएको थियो। प्रहरीको प्रारम्भिक अनुसन्धानबाट उनी लागुऔषधको कारोबारमा संलग्न रहेको खुलेको छ। इलाका प्रहरी कार्यालय उर्लाबारीमा राखेर लागुऔषध ऐनअन्तर्गत मुद्दा चलाउन अदालतबाट म्याद थप गरी अनुसन्धान अघि बढाएको प्रहरीले जनाएको छ।
Follow
@nagarik_news
